Yngrid
DALAWANG BUWAN na ang nakalipas simula ng itakas ako nila Iris mula sa kaguluhan na ‘yon, sa dalawang buwan na lumipas ay hindi pa rin bumabalik sa akin si Devron. Miski si Iris at si Gelene na bantay sa akin ay walang lead kung nasaan na siya.
At sa dalawang buwan na lumilipas ay araw-araw akong nag-aabang sa harap ng pintuan o sa kwarto kapag sasapit na ang gabi dahil baka bigla na lang siyang sumulpot sa harapan o tabi ko. Parang kabute pa naman ‘yong si Devron, bigla-bigla na lamang susulpot sa harapan ko.
Kahit minsan ay naiinip o napapagod ako kakahintay sa kanya ay kumakapit pa rin ako na babalik siya sa akin ng buo at buhay, miski sila Iris na nawawalan minsan ng pag-asa na bumalik na ang Kuya niya ay nandoon pa rin ang tiwala na lumulukob sa pagkatao niya. Baka nagpapah
