Chapter 39
Dala ang bulaklak na binigay ni Leester, umakyat si Rose sa pangalawang palapag ng mansiyon ng mga Monteero at tinungo ang kwarto ng kambal. Nagulat ang dalaga nang madatnan doon si Leester, nakaupo ito sa sopa at pinagmamasdan ang kambal na himbing na himbing sa kama. Parang may kamay na humaplos puso ng dalaga nang ngumiti ito saka tumingin sa suot na relos.
Ang relos na iyon!
Regalo niya iyon noong ikadalampu't limang kaarawan nito. Ibinigay niya ang relos isang linggo bago ang kaarawan nito at hindi niya akalain na hanggang ngayon ay nasa pag-iingat pa ng binata ang bagay na iyon.
"Hi," bati ni Leester nang mapatingin sa bagong dating. Ang nakangiting mukha nito ay napalitan ng pag-aalala nang makita ang dalaga lalo na nang mapatingin ito sa braso na may benda. Tumayo i
