Chapter 44
Nang masigurong nakatulog na ang binata, ay nagpaalam si Rose sa mag-asawang Monteero. Inihabilin niya sa mga ito ang kambal saka umalis siya ng mansiyon sakay ng kaniyang motor. Palagay ang loob niya na iwan ang kambal sa mga iyon. Hindi maipagkakaila ni Rose ang lukso ng dugo na nararamdaman ng pamilya Monteero sa mga anak niya. Na kahit hindi niya sabihin ang tunay na pagkatao ng kambal, nasa puso ng pamilyang iyon ang pagnanais na makasama at mas lalong makilala ang mga bata.
Hindi niya alam kung saan siya patungo. Tinatahak na niya ang highway pero wala pa rin siyang maisip na destinasyon. Ang gusto niya lang ay lumayo at mag-isip dahil kung hindi niya gagawin iyon ay baka bigla na lang siyang hindi makapagpigil at sabihin kay Leester ang totoo. Ayaw niyang gawin iyon dah
