Chapter 43
Hindi mapigilan ni Kyle na mapangiti nang makita ang pagtagis ng mga bagang ni Leester. Tumayo ang huli at lumabas sa ring saka walang sabi-sabing nilagpasan ang mga magulang na kanina pa hindi makakilos sa kinatatayuan. Tinanaw na lang ni Rose ang papalayong bulto ng binata, gusto niya itong sundan pero hindi pa tapos ang hand to hand combat nila ni Kyle.
"Okay, Rose. You won!" Napalingon siya nang marinig ang boses ni Kyle. Si Cathy naman ay napatalon sa sobrang tuwa dahil sa wakas kaniya na ang bagong kotse ng kapatid. "s**t! Anong klaseng tao ang nagturo sa 'yo at ganyan ka kagaling?" patuloy pa ni Kyle nang makabangon na. Tutulungan sana ito ni Vin pero mahigpit na tinanggihan iyon ng binata. Bumaba na lang ito at lumapit sa mag-asawang Monteero. Iniwan na rin ni Rose si
