Pagkaalis ni Max ay naghanda naman ako sa pagpunta sa opisina. May mahalaga kasi akong client na pupunta doon. Hindi ko muna sinabi kay Max. Dahil baka hindi ito pumayag. Lalo pa’t naging dahilan ito ng pagtatalo namin noong nakaraan. Babalik din naman ako kaagad pagkatapos ng meeting. Iniwanan ko ang kambal sa dalawang yaya nito may stock din akong breastmilk sa ref para kapag nagutom sila ay easy to prepare na lang. Ito ang unang araw na papasok ulit ako sa opisina pagkatapos kong mag-leave noong five months pa lang ang kambal sa tiyan ko at excited na rin akong bumalik sa trabaho.
Pagkatapos kong magpaalam sa mga yaya ng kambal ay umalis na rin ako sakay ang isang sasakyan. Marunong naman akong mag-drive na kaya hindi ko na kailangan ng driver. Pagdating ko sa opisina ay pasado alas-n
