Hindi ko alam kung paano niya napapayag si Daryl na sumama para mamaya. Hindi ko din inaasahan na yayain siya ni Mary.
“Mabuti naman pumayag si Daryl? Ngayon ka lang niya nakilala pero pumayag siyang sumama mamaya sa party niyo.” Usisa ko sa kanya habang tinutulungan ko siyang mag-ayos para mamaya.
“Syempre! Maganda ako eh saka sinabi ko na ikaw ang may sabi na sumama siya kaya ayun pumayag agad siya.”
“Ano? Bakit ako? Hindi naman ako kasali sa party niyo. Pagdating ng mga bisita mo mamaya aakyat na rin ako Mary.” Paliwanag ko sa kanya. Wala akong balak na sumama sa party nila at hindi ako sanay sa ibang tao.
“Ate Silvia, hindi naman nagkakalayo ang mga edad natin. Saka para naman hindi lang kaming pamilya ni kuya Max ang kilala mo. Don’t worry mababait naman sila.” Pamimilit niya n
