"I'm here!" Napatingin siya sa kanilang kusina nang magmula doon ay nakita niyang lumabas ang kanyang kaibigan.
"Happy birthday, Theodoro Buenavista!" sigaw nito habang hawak nito ang cake at hindi niya napigilan ang napangiti ng kaytamis-tamis dahil hindi pala nito nakalimutan ang kanyang kaarawan.
"Blow your candle but make a wish first," nakangiting sabi ni Jackie Lou.
Dahan-dahan siyang yumuko at ipinikit ang mga mata saka niya hinipan ang kandila.
"Yehey!" sigaw ng lahat at agad namang kinuha ni Nardo ang cake na hawak ni Jackie Lou at inilagay nito sa mesa.
"Oh, ano? Tsibugan na!" sigaw ng isa sa mga katrabaho ni Theodoro noon sa isang hardware. Tumalima naman ang lahat pati na si Jackie Lou at sumunod na rin siya. Maya-maya lang ay kanya-kanya na sila ng diskarte kwentuhan, bi
