Natahimik si Jackie Lou sa kanyang narinig galing sa kanyang kaibigan. Hindi niya aakaling uungkatin pa rin pala ito ng binata.
"Nakalimutan mo na ba 'yon?" muling tanong nito sa kanya.
Napaangat siya ng mukha at napatingin siya sa mga mata ng binata. Wala siyang ibang nakita maliban sa panunumbat nito sa kanyang mga sinabi noon.
"Nakikiusap ako sa'yo, Jack. Kung ayaw mo nang makita ang mukha ko, lumayo ka sa akin at huwag mo nang subukan pang lumapit dahil alam mo, sa bawat panahon na nasa malapit lang kita, nasasaktan ako dahil lagi kong naaalala ang mga sinabi mo sa akin noon. Kaya, pakiusap lumayo ka sa akin at pipilitin ko rin ang sarili kong layuan ka upang sa ganu'n, hindi mo na ako kakamuhian," masakit na litanya ng binata saka siya nito nilagpasan.
Lumabas ng opisina si Theo
