"Oy, Theo. Ikaw pala," sabi ni Nardo sa kararating lang na binata sa harapan ng kanilang bahay isang umaga para ihatid sa trabaho ang kanyang kaibigan.
"Magandang umaga po, Tito. S-si Jack po?"
Napakunot ang noo ni Nardo dahil akala niya kasama ng kanyang anak ang binata.
"Maagang umalis papuntang trabaho. Akala ko nga pinuntahan ka niya sa inyo."
Napaisip ang binata. Iniiwasan ba siya ni Jackie Lou dahil sa nangyari?
"Ganu'n po ba, Tito? Sige po, alis na po ako," agad niyang paalam dito.
Nagtatakang sinundan ni Nardo ng tingin ang kaibigan ng kanyang anak. Wala siyang alam sa mga nangyayari pero ramdam niya may hindi pagkakaunawaan ang dalawa.
"Jack?" Agad na hinawakan ni Theodoro si Jackie Lou sa braso nito para lang mapigilan niya ito.
"Theo, pwede ba. Hayaan mo muna akong mag-
