Pagdating sa parking lot, hinarap ni Kyler ang kanyang mga tauhan. "Sumabay ka na kay Marcus," utos niya sa kasamang driver na nagdala ng kanyang sports car. "Ako na ang bahalang mag-drive."
Agad namang tumango ang driver. "Masusunod po, Attorney."
Mabilis na nilapitan ni Kyler ang pinto ng kanyang kotse at nilingon ang dalaga. "Tara na," aya niya.
"Teka? Ihahatid mo ako? Pauwi sa mansyon?" sunod-sunod na tanong ni Elise habang nakatayo sa tabi ng kotse. "Tapos uuwi tayong apat doon gamit ang dalawang sasakyan… tapos aalis ka na naman para sa hearing mo?"
Napakunot ang noo ni Kyler habang hawak ang pinto ng kotse. "So what's wrong with that?"
Napa-cross arms si Elise at tiningnan siya nang parang isang propesor na nagtuturo sa isang estudyanteng mabagal ang pag-unawa. "Sayang ang gas
