Nagsimula ang araw na puno ng kasiyahan sa buong bahay ng pamilya Salazar. Mula sa hardin hanggang sa loob ng mansyon, punong-puno ng engrandeng dekorasyon, mga bulaklak, at mga ilaw na lalong nagbigay ningning sa espesyal na okasyong ito.
Ang kanilang quadruplets—apat na naggagandahan at nagagwapuhang anak—ay nagdiriwang ng kanilang ika-labingwalong kaarawan. Isang grandeng debut ang inihanda ni Ethan para sa kanila. Isang araw na puno ng engrandeng kasayahan, pagmamahal, at alaala.
Sa gitna ng kasiyahan, tahimik na pinagmamasdan ni Ethan si Samantha. Sa paglipas ng mga taon, hindi nagbago ang pagmamahal niya rito. Kung may nagbago man, iyon ay ang mas lalong lumalim at tumibay ang pagmamahalan nila. Kahit may mga unos silang pinagdaanan noon, nanatili silang magkasama, mas matatag kay
