Kabanata 14
INILIBOT NI ESANG ang paningin sa paligid. Kanina pa siya hindi mapakali sa kanyang kinatatayuan. Nakatingin lamang siya sa kanyang paa na may suot na doll shoes. Iyon na lamang ang pinasuot sa kanya kanina ni Dreamo dahil ilang ulit siyang nadapa dahil sa stiletto. Halos batukan niya ang sarili dahil sa sobrang hiya. Idagdag pa na baka pinagtatawanan siya ng lalaking amo. Isa pa ay kanina pa siya hindi komportable sa suot na bestidang bulaklakin na damit. Sleeveless ang style niyon at hapit na hapit sa kanyang katawan. Mabuti na lamang at binigay sa kanya ni Dreamo ang coat na suot nito bago siya iniwan sa kanyang kinatatayuan.
Halos pinagtitinginan siya ng mga ilang besita na naroroon. Marahil na nagtataka sila dahil sa hindi siya kilala. Pakiramdam niya'y sentro siya ng
