"Cancer?" ulit niya sa isip.
"Oo. Tuloy-tuloy ang gamutan niya. Pero wala na talaga. May mga iniinom na lang siyang gamot na itinatago niya sa inyo kaya medyo humaba ang buhay niya. "
"H-hindi ko a-alam…" nauuutal na wika niya.
"Hindi naman talaga niya ipapaalam sa'yo. Syempre ayaw niya na mag-alala ka."
"Pero dapat ay sinabi niya. Para sana nadamayan man lamang namin siya."
"Ewan ko ba sa kanya," wika ni Mang Ruben at pagkuwan ay lumabas na ito. Ramdam niya na masakit din na tulad niya ang nararamdaman nito. Dahil unang-una ay ito ang isa sa matalik na kaibigan ni Rako at nakasama nang matagal.
Dumaan sa cremation ang bangkay nito.
Tulad niya ay labis ang lungkot na nadama ni Ysay. Sobrang naging malapit kasi ang dalawa bago ito nawala. Ngunit wala na talaga silang magagawa. Kaila
