Nasa kalagitnaan ang puso at isipan niya sa pagkalito. Sino ang lalaking ito at hindi man lamang siya napansin? Bakit kamukhang-kamukha nito si Daniel?
"Mommy!" tinig ni Sky ang nagpabalik sa kanyang wisyo. Hinawakan nito ang laylayan ng kanyang bestida. Agad niya itong binuhat at niyakap. Tila nakaramdam siya ng inggit sa babaeng niyakap ng kamukhang iyon ni Daniel. Hindi na rin niya namalayan ang pagpatak ng butil ng luha na iyon.
"Halika ka na, Joanna," wika niya sa kaibigan niya matapos niyang pasimpleng punasan sa hintuturo ang butil ng luha na iyon.
Tumango naman agad sa kanya si Joanna. Naglakad na silang agad patungo sa sasakyan niya. Nang makasakay na sila ay hindi pa rin niya maiwasan na tanawin muli ang lalaki na nais niyang pagsisisihan. Mukhang asawa ng lalaking iyon ang d
