"Nakita niyo ba ang napangasawa ni Maya?" wika ni Aling Sonya sa mga kaharap niyang mga kapit-bahay. Matapos niyang makita kanina ang itsura ng napangasawa ni Maya ay hindi na naman mapakali ang bibig niya.
"Oo, Sonya. Nakita ko nga aba'y matanda na pala eh. Akala ko naman ay mga nasa kaedaran niya. Diyos ko, parang Tatay na niya ang pinatulan niya eh," eksaheradang wika naman ni Aling Nora.
"Baka naman kasi mayaman iyong hapon. Kayo naman. Hindi na bago iyan sa atin. Tingnan niyo nga si Lyka. Ganoon din ang ginawa na tulad ni Maya," ani naman ni Jack, ang pinakabata sa kaumpukan ni Aling Sonya. Kasalukuyan silang nasa kanto at nagkukumpulan. Kakagaling lamang ni Aling Sonya kila Maya.
"Mabuti nga sana kung mayaman eh. Ang kaso nga. Tiningnan ko kanina ay mukhang hindi naman mayaman. I
