“Good morning, Love,” bati ni Paul kay Adeline kinabukasan.
“Morning! Sorry ha, natagalan ako magising, sobrang pagod lang talaga,” sabi ni Adeline at naglakad sa tabi ni Paul sa kusina.
“No worries,” sabi ni Paul habang umiinom ng kape at walang pasabing hinawakan si Adeline sa baywang.
Gulat na gulat si Adeline sa inasal nito at agad niya sanang aalisin nang mas higpitan pa ang pagkakahapit sa kaniya sabay lumingon sa kabilang dako ng villa.
Sinundan ni Adeline ang tingin ni Paul at laking gulat niya na makitang marami nang mga tao.
“Act cool, Adi, o mabubuking ang drama natin,” sabi ni Paul saka hinalikan pa ang maputing balikat ni Adeline habang nakalaylay ang sabit ng manipis na pantulog.
“Ang aga naman nila,” bulong ni Adi na kumuha ng kutsilyo at mga gulay sa pantry sa harapan
