Muntik nang matukso si Mariel, sa mainit at nakakapaso na halik ni Third nang mga sandaling iyon. Mabuti na lang talaga ay may kumatok. Dahil kung wala, malamang ipagkakanulo na naman siya ng marupok niyang puso.
Kaagad niyang inaayos ang kanyang sarili matapos niya itong itulak. Nagpunas rin siya ng luha gamit ang kanyang kamay. Tiningnan niya ito ng masama na may halong pagbabanta. Ngunit malalalim lang na hininga ang isinukli nito sa kanya.
"Pakiusap, Third, layuan mo na ako. Huwag mo na akong guluhin pa. Patahimikin mo na ako, pakiusap lang…" sunod-sunod niyang pakiusap dito at muling nagpunas ng mga luhang wala na yatang balak pang tumigil.
"No. Ayoko. Huwag mo akong utusan sa kung anong gusto kong gawin." matigas naman nitong tugon.
Mukhang mahihirapan siyang pakiusapan ito. Kaya
