Pagka-uwi ni Mariel sa bahay ay halos hindi rin siya makatulog agad dahil iniisip niya si Third at ang inakto nito kanina sa club. Ramdam niya ang galit nito nang maabutan siya kanina kasama ang mga RC boys na kilala sa pagiging playboy. Lalo na't katabi at nakaakbay pa si Gavin sa kanya. Pakiramdam niya ay kakainin na siya nito ng buhay sa sobrang talim nang tingin nito sa kanya.
Alam na alam niya ang nakamamatay nitong tingin dahil ganoon ito noong gabing maghiwalay sila. Noong halos patayin na rin nito ang lalakeng kayakap niya sa kaparehong club.
Kung hindi lang niya naalala na hiwalay na nga pala sila nito ay baka scam na ang susunod na mangyayari sa private room na pinasukan nila kanina.
Sobrang daming ganap sa araw na ito, na halos hindi siya makapaniwala. Sa igsi ng relasyon nil
