Nasa loob pa lang ng taxi si Mariel ay tanaw na niya ang nag-uumpukang mga tsismosa, sa pangunguna ng pinaka-tsismosa nilang kapitbahay na si Ate Bebe. Nasa tindahan ang mga ito at mukhang may tsismis na namang bago ang mga ito dahil kompleto ang grupo. Naawa na siya sa sinumang topic ng mga ito.
Kahit kailan talaga, hindi na magbabago ang mga ito sa lugar nila. Kaya siya todo ingat siya kapag lumabas siya sa bahay ni Third dahil ayaw niyang ma-tsismis sa lugar nila. Dalawang beses pa naman siyang nakita nito na madaling araw na umuwi at galing sa bahay ni Third tapos tshirt lang ang kanyang suot.
"Manong, dito na lang po." Para niya sa taxi driver.
Kumuha agad siya ng pera sa wallet niya at binayad sa driver. Nang maiabot ang sukli ay bumaba na rin siya. At halos lahat ng tingin ng mg
