Kabanata 57
Pagod na pagod ako nang makauwi ako ng bahay. Halos gapangin ko na mula sa gate papasok dahil sa tindi ng pagod na nararamdaman ko. Wala naman ito kanina. Nag-isip pa nga ako ng pwedeng gawin sa bahay para kahit papaano ay may magawa akong trabaho, pero kahit yata simpleng pagwawalis ay hindi ko na magagawa pa.
“Ligaya, kumusta ang shooting n’yo?” bungad na tanong ni Nanay Linda sa akin nang magkasalubong kami sa sala. May dala siyang mga hiniwang prutas na tingin ko’y para kay Uno na abala sa pagsusulat at pagkukulay.
“Ayos naman po, ‘nay. Sa wakas, tapos na,” nanghihinang tugon ko sa kanya. “Pasok ko lang po muna sa kwarto ‘tong mga gamit ko, ha?” paalam ko sa kanya bago ko nilapitan si Uno at saglit na kinulit sa pamamagitan ng pagkurot ng pisngi niya.
Pagkapasok ko sa
