البارت الرابع ?

1767 Words

عفاف طبطبت على ايديها : انا عارفه انك اتظلمتى واتوجعتى وخسرتى كتير واولهم خطيبك الى سابك بعد الحادثه بس تعالى نفكر مع بعض ربنا سبحانه وتعالى بيبتلينا ساعات بحاجه احنا بنشوفها ظلم لينا بس الى انتى متعرفهوش انه بيشل قصدها ابتلاء اكبر بكتير ربنا ديما عنده حكمه فى كل حاجه بتحصل فى حياتنا ويمكن خطيبك الى انتى كنتى فكراه كويس وخير ليكى يطلع اسوء بكتير بعد الجواز وتعيشى معاه فى عذاب طول عمرك انتى اه خسرتى حاجه كبيره بس ربنا هيعوضك بحاجه اكبر بكتييير وبكره تقولى عفاف قالت رقيه ابتسم فى وسط دموعها : تفتكرى ممكن ارجع زى الاول عفاف : لا هتبقى احسن من الاول بس خلى عندك ثقه فى الله سبحانه وتعالى رقيه فضلت ترغى وعفاف بقت تاكلها وهى بتتكلم وتهزر معاها الدكتور مستغرب ان عفاف بعفويتها خلت رقيه تتكلم وتضحك وعملت فى دقيقه الى هو مقدرش يعمله فى شهور عفاف خلصت مع رقيه وقامت راحت نحيته : خير يادكتور احمد حضرتك واقف كده بقالك كتير انا عملت حاجه غلط احمد ابتسم : بصراحه انا مبهور بيكى انا بقالى شهرين بحاول اخليها تتكلم معايا وتخرج الوجع الى هى حبساه جوها وانتى فى دقيقتين خلتيها مش بس تتكلم لا وتضحك كمان عفاف ابتسمت : والله يادكتور انا ربنا عالم من يوم ما رقيه جت هنا وانا قلبى وجعنى عليها بس كنت بخاف اقرب منها حالتها تزيد بس قولت اجرب حظى واحده واحده معاها واهى الحمد لله جابت نتيجه احمد بهزار : لا انا كده هخاف منك تخدى المرضى منى ومالقيش حد اعالجه عفاف ضحكت : وانا اجى ايه بس جنب حضرتك احمد بوز: ايه حضرتك ودكتور الى انتى مساكهملى دول قولتلك اسمى احمد هو انا مش زى ابنك ولا ايه عفاف: والله يابنى انت معزتك فى قلبى كبيره وبحس انك فعلا ابنى وكفايه الى انت عملتوا معايا من يوم ماشف*نى احمد : مالوش لازمه الكلام ده علشان مزعلش منك وبعدين هو انا اطول يبقالى ام قمر كده بس قوليلى (وكمل باحراج)هى رقيه اكلت واخدت علاجها عفاف بخبث: مانت بقالك ساعه واقف وشايفنى وانا بأكلها احمد اتحرج: احمم اه انا بسال بس عفاف ابتسمت: انت حبتها يااحمد احمد بص على رقيه الى قاعده سرحانه : مش عارف بس قلبى بيوجعنى كل لما اشوفها قاعده ودموعها على خدها بحس انى مخنوق عفاف: يبقى حبتها يابنى بس خدها نصيحه منى لو شايف انك مش هتستحمل الى حصلها يبقى بلاش تقرب منها كفايه عليها جرح واحد احمد : انا مش فارق معايا الى حصلها انا بشوف فى ملامحها برائه مشفتهاش فى واحده قبل كده عفاف طبطبت على كتفه : يبقى اتوكل على الله وقرب منها بس مش مره واحده بالهداوه احمد بصلها وابتسم: انتى عارفه كل لما باشوفك بفتكر امى الله يرحمها ربنا يخليكى ليا عفاف : ربنا يسعدك يارب ويعوضك خير انت وهى ********************* عند ملاك فى الشركه كانت مركزه جدا فى شغلها لدرجه انها محستش بالوقت وان ساعات العمل الرسميه خلصت خرج اسر من مكتبه لقى ملاك لسه قاعده ومركزه جدا فى الاوراق الى قدمها راح وقف قدمها :يارب نبقى بالنشاط ده على طول انتبهت ملاك على صوته قامت وقفت وعدلت نضارتها : احمم انشاء الله يافندم اسر: طيب على فكره المفروض كنت تمشى من ساعه بصت ملاك فى ساعتها وبرقت وقالت فى نفسها : يانهار اسود ابويا هتاخر عليه كده اسر لما لقاه مبرق وساكت: مالك ياملاك انت برقت كده ليه ملاك: لا ابدا هو حضرتك عايز منى حاجه حاليا اسر : لا انا اصلا نازل لو متاخر انا ممكن اوصل المستشفى ملاك اتوترت يوصلها ازاى هى لسه عايزه تروح تغير هدمها وترجع بنت تانى : لا متشكره قوى يافندم انا لسه هروح البيت اجيب حاجات لولدى وبعدين اروحله اسر : تمام اتفضل انت ملاك : عن اذنك نزلت ملاك بسرعه وركبت تا** راحت على البيت غيرت ونزلت تانى راحت المستشفى دخلت لابوها تجرى : حبيبى عامل ايه النهارده انا اسفه والله ماعرفت اجيلك الصبح على : طيب اهدى انتى بتنهحى كده ليه ملاك : مش بنهج ولا حاجه المهم قولى عامل ايه دلوقت على ابتسم : الحمد لله احسن قوليلى صحيح اسيل قالتلى انك اشتغلتى النهارده ملاك اتوترت : اه اشتغلت سكرتيره فى شركه ادويه على بحزن : انا عارف انى شيلتك همى و قاطعته ملاك : اوعى تكمل يابابا انا ماليش غيرك فى الدنيا وانشاء الله هتعمل العمليه وهتبقى احسن من الاول وبعدين هو انا اشتغلت اى شغله انا اشتغلت بشهاتى وفى شركه محترمه وبمرتب خيالى كمان على : ربنا يسعدك ويعوضك خير ويوقفلك ولاد الحلال يابنتى ملاك ابتسم : ايوا كده ياعلوه ادعيلى علشان اتغنى واشهيسك على ضحك بالعافيه : يابت حرام عليكى مش قادر اضحك فضلت ملاك مع ابوها لحد انهاء الزياره وبعدها روحت ******************* وصل اسر الفيلا ودخل كان ادم لسه داخل قبله بشويه اسر : ادم بابا فين ادم : مش عارف انا لسه داخل قدامك نادى على ام سعيد اسالها اسر : ام سعيد تعالى عايزك اجت ام سعيد الست الوحيده فى حياتهم هى الى ربتهم بعد امهم والوحيده الى اسر ممكن يتعامل معاها من دون كل الستات : خير يابنى فى حاجه اسر : بابا فين ياام سعيد ام سعيد: فى اوضه منزلش من امبارح اسر اضايق من نفسه : يعنى ماكلش من امبارح ام سعيد: انا طلعتله الغدا فوق قولت يمكن ياكل بس نده عليا بعدها بشويه وشلت الاكل زى ماهو اسر : طيب حضرى الاكل وانا هطلعله ام سعيد: حاضر يابنى ادم بعد ما ام سعيد مشت : عجبك كده نفسى تبطل كلامك الى بترميه عليه من غير ماتحس وترجع تندم بعد كده اسر :خلاص يادم انا هطلع ارضيه روح انت غير وانزل اتعشا معانا طلع اسر خبط على باب اوضه ابوه ودخل لقاه قاعد على الكرسى المتحرك فى البلكونه قرب منه : مساء الخير يابابا شريف مردش عليه ولا حتى بصله اسر قرب قعد جبنه ومسك ايده باسها : انا اسف يابابا حقك عليا انا عارف انى غبى وحقك تعمل فيا الى انت عايزه بس متزعلش منى شريف بصله بزعل : انا مش زعلان منك يااسر انا زعلان عليك انت بتنهى حياتك من قبل حتى ماتبتديها هتفضل كده لحد امتى اسر بص للارض : كده الى هو ايه مانا كويس اهو يابابا بشتغل والحمد لله شغلى ناجح ايه المشكله شريف : ايه المشكله ؟ المشكله ان انت موقف حياتك عندك ٣٣سنه ولسه متجوزتش ولا حتى بتفكر ايه مانفسكش فى طفل يشيل اسمك ويبقى سندك زى مانت واخوك بقيتوا سندى وانا عاجز اسر اضايق : لازمته ايه الكلام ده دلوقت بس انا كده مرتاح لا عايز اتجوز ولا حتى اخلف شريف اتنرفز : لـــيه هتفضل كده لوحدك لامتى اسر : بابا ارجوك بلاش كلام فى الموضوع ده علشان مترجعش تزعل منى شريف بقهره على نفسه وعلى عياله : مش معنى ان واحده طلعت وحشه ان كل الستات وحشين يااسر صوابعك مش زى بعضهم اسر : واضمن منين ان الست الى هخترها هطلع كويسه ومش خاينه !!! اطمن منين ان بعد مااخلف ماتهربش وتسيب عيالها من غير ام ويكبروا عندهم نقص ان امهم كانت ست مش كويسه !!! ارجوك يابابا اقفل على الموضوع ده احنا كده عايشين كويسين شريف : بجد احنا عايشين كويسين !!! مافتكرش ان احنا كده مرتاحين ..لا انا مرتاح وانا شايفكم بضيعوا يوم بعد يوم ولا انتوا مرتاحين بوحدتكم وحياتكم الكأيبه اسر وقف : بابا انا قولت لام سعيد تحضر العشا انا هروح اغير وحضرتك حصلنى على السفره عشان نتعشا مع بعد عن اذنك خرج اسر بسرعه وراح على اوضه شريف فضل باصص عليه وهو بيدعى بوجع : ربنا يريح قلبك يابنى ويرزقك بالى تغير حياتك للاحسن دخل اسر اوضه ورمى نفسه على السرير وفضل باصص للسقف وهو بيفكر فى كلام ابوه : عايزنى اتجوز واخلف واعيش فى سعاده وفى الاخر القيها وهم كنت معيش نفسى فيه طب ليه انا كده عايش مرتاح قام قعد ومد ايده فتح الدرج وخرج صوره ليه هو وامه وادم فضل باصص للصوره ودموعه نزلت: ليه كده ياامى سيبتينا ليه عرفتى تعيشى من غيرنا كل السنين دى دانتى حتى مافكرتيش تشفينا ولا حتى مره ولا كأن ليكى عيال يارب تكونى كده ارتحتى دمرتى حياتنا احنا التلاته بس هقول ايه ربنا يسامحك *********************** تانى يوم فى الشركه وصلت ملاك فى معادها قبل وصول اسر وبدأت شغلها شويه واسر وصل دخل عليها مبوز جدا اسر : صباح الخير يا ملاك ملاك : صباح النور يافندم اسر : ملاك اجل اى مواعيد واجتماعات النهادره مش عايز اشوف حد ملاك استغربت من شكله : حاضر يافندم اى اوامر تانيه اسر : لا متشكر بس ياريت تطلبلى قهوه ملاك :حاضر ثوانى وتكون عند حضرتك دخل اسر قعد على المكتب ومسك دماغه الى تعبته من التفكير طول الليل شويه ودخلت ملاك بالقهوه : القهوه يافندم اسر بصله بتعب : شكرا ياملاك اتفضل انت شوف شغلك ملاك: حضرتك كويس اسر : اه كويس عندى صداع بس دلوقت يروح ملاك : طيب انا معايا اقراص صداع هجيب لحضرتك اسر بصله : يعنى بزمتك هكون صاحب شركه ادويه ومافيش فى مكتبى اقراص صداع ملاك : احمم انا اسف انا كنت بس اسر قاطعه : مافيش مشكله ومتشكر على المساعده اتفضل انت ملاك بغيظ: عن اذنك خرجت متغاظه منه جدا : انا غلطانه انى خايفه عليه انا مالى مايتفلق ليهم حق يقولوا عليه بومه دخل ادم عليها وهى بتبرطم ضحك : الله هو انت بدات برطمه من دلوقت دانت يادوب لسه تانى يوم ملاك باحراج: احمم لا ابدا مافيش برطمه ولا حاجه ادم : متخفش انا مش هف*ن عليك وبعدين كتر خيرك انك مستحمله اصلا انا عارف اسر اخويا محدش يستحمله ملاك : لا ابدا استاذ اسر طيب بس هو عصبى شويه اكيد من ضغط الشغل أدم بصله باستغراب: تصدق انت اول واحد يدافع عنه بس معاك حق أسر شايل كتير علشان كده بيتعصب بسرعه ياريت تستحمله على قد ماتقدر ملاك: حاضر من عنيا أدم : متشكر قوى !! اه صحيح انا كنت جاى محتاج منك تجمع اكبر قدر من المعلومات عن شركة كيمكوا للادويه موجوده فى قطر ملاك: اه دى الشركه الى المفروض هيتم التعامل معاها قريب أدم: اه هى حاول تجمع عنها اى معلومات ممكن توصلها ملاك : حاضر يافندم أدم : انا عند أسر لو وصلت لحاجه بلغنى دخل أدم لاسر وملاك قعدت قدام اللاب تحاول تغرف المعلومات المطلوبه ********************* فى مكان تانى كان ايهاب قاعد على يخت شكله فخم جدا وقاعد قصاده راجل شكله مش مصرى بس بيكلم مصرى كويس جدا ايهاب : خلاص كده أكدوا التعامل مع شركتك يايوسف بيه يوسف ابتسم وبيعد السيجار بعد مااخد نفس منه : هو انا مش قولتلك شريف استحاله يخلى سمعت شركته تتهز فى السوق حتى لو اسر اعترض ايهاب : بصراحه كنت شاكك وخصوصا ان اسر ده انسان دماغه مقفله ومبيسمعش كلام حد يوسف : الا فى مصلحه شركته لازم يلين دماغه علشان مايخسرش العملاء بتوعه ايهاب : طيب المهم هنعمل ايه بعد كده يوسف : لا انت خلاص دورك خلص ارجع على قطر وسيبنى انا اتعامل فى الى جاى ايهاب : انت ناوى تبعتله الشغل اياه فى اول صفقه يوسف بصله بغيظ: دانا لو غبى عمرى ماهعملها مش واحد بخبرتى ايهاب اتوتر : احمم انا اسف مش قصدى انا بسال بس يوسف : ماتسالش واتفضل انت دلوقت مشى ايهاب وفضل يوسف يفكر فى الى جاى ********************

Free reading for new users

Scan code to download app

App Store Google Play

Facebookexpand_more