للرجال فقط

البارت الثانى ?

فى فيلا الراوى كان اسر قاعد مع ابوه شريف الراوى بيتكلموا فى الشغل وبياخد موافقته على طلبيات ادويه جديده

شريف: عملت ايه مع الشركتين الى المفروض نتعامل مع واحده فيهم

أسر اتوتر مش عارف يقوله ايه : احمم حصلت حاجه كده كنت لسه هقولك عليها

شريف : ماتقول يابنى فى ايه

أسر: ايميلات الرد على الشركتين اتبدلوا

شريف بصله قوى : يعنى ايه اتبدلوا

أسر : الغبى ايهاب السكرتير بدل الرد على الايميلات والشركه الى رفضها بعتلها موافقه والعكس

شريف بعصبيه : انت بتقول ايه ده كده مابقتش شركه بقت لعب عيال

اسر اتعصب : بابا لو سمحت انا هتصرف فى الموضوع ده وهحله بنفسى

شريف : وهتعمل ايه انشاء الله

أسر: هبعت اعتذار للشركه الى فى قطر واقولهم ان حصل غلط

شريف اتعصب بزياده : انت عارف الى انت هتعمله ده معناه ايه ان شركة حضرتك سمعتها هتتهز فى السوق ياستاذ هيقوله شركه كبيره زى دى ومش عارفين بيعملوا ايه انا مش عارف ايه الميزه فى شويه الاغ*يه الى بتشغلهم عندك قولتلك ميت مره سكرتير راجل معناه غباء

أسر بصله بغيظ: مش احسن ماجيب ستات فى الشركه والقى واحده تيجى تلعب عليا لحد مااحبها وفى الاخر اكتشف انها خاينه وترمينى وتهرب

شريف بصله ومردش عليه غير بكلمه : اطلع بره

أسر بندم على كلامه ولسه هيكلم شريف قاطعه : قولتلك اطلع برررره

خرج اسر وهو مستغبى نفسه وشريف حرك الكرسى المتحرك بتاعه لحد البلكونه وبص للسما وغمض عنيه بوجع ورجع بذكرياته اكتر من تلاتين سنه

فلاش باك

دخلت على شريف السكرتيره بتاعته : شريف بيه الموظفه الجديده وصلت

شريف : خليها تتفضل ياصفاء

خرجت صفاء ودخلت بنوته فى العشرينات جميله جدا لدرجه خلت شريف مسهم ليها قربت من المكتب وهى محروجه من نظراته ليها : احمم انا هاله السعدنى الموظفه الجديده حضرتك

شريف ابتسم وكانت نظراته كلها اعجاب : اهلا اتشرفت بيكى اتفضلى قعدى تحبى تشربى ايه

هاله بيبنها وبين نفسها : ماهو طيب اهو اومال كانوا مخوفنى منه ليه (ردت عليه )متشكره قوى مش عايزه حاجه

شريف : عموما صفاء هتعرفك مكان مكتبك وطبيعة شغلك واتمنى ترتاحى عندنا

هاله قامت ابتسمت : متشكره قوى عن اذن حضرتك

خرجت هاله وشريف فضل سرحان فيها لاول مره يحس ان قلبه بيدق لوحده بقى يتلكك علشان يروح مكتبها يشوفها او يطلبها عنده ومبقاش بيفكر فى حاجه غيرها سال عليها وعرف انها يتيمه وعايشه عند خالها عدى فتره كبيره كان شريف اتعلق بهاله اكتر وفى مره بعت طلبها فى مكتبه دخلت هاله متوتره كانت خايفه تكون عملت حاجه ويطردها من الشركه وهى محتاجه للشغل ده : نعم حضرتك طلبتنى

شريف لاحظ خوفها : ايوا طلبتك بس انتى مالك خايفه ليه كده

هاله : لا ابدا مافيش هو انا عملت حاجه غلط

شريف قام ولف وقف قصدها : بصراحه اه عملتى

هاله خلاص قربت تعيط : عملت ايه حضرتك!!!!

شريف قرب منها وبص لعنيها : سرقتى!!!

هاله برقت : انا والله ماحصل انا عمرى مااعمل كده ابدا

شريف ابتسم : طيب مش تعرفى سرقتى ايه الاول

هاله دموعها نزلت : سرقت ايه

شريف قرب منها ومسح دموعها : سرقتى قلبى منى!!!! انا بحبك من يوم ماشوفتك ياهاله

هاله سهمت وحست ان قلبها هيقف من كتر الدق وفضلت ساكته مش عارفه هى سمعت صح ولا اتهيالها

شريف لما سكوتها طال خاف يكون اتسرع وتكون مرتبطه : هاله انتى مرتبطه

هاله هزت راسها بلا شريف ابتسم : طيب هى القطه اكلت ل**نك ولا ايه عايز اسمع صوتك

هاله ب**وف: هقول ايه

شريف : المفروض لما اقولك انى بحبك تردى عليا وتقولى. وانا كمان بحبك يا شريف

هاله ابتسمت وبصت للارض هى فعلا من يوم ماشفته وهى حبته بس عمرها ماتخيلت انه هو كمان هيحبها ردت عليه باحراج: حضرتك انا!! انا بس احمم!! مش عارفه اقول ايه

شريف : انا عارف انك محروجه بس انا مش عايز منك غير كلمه واحده موافقه تتجوزينى اه ولا لا

هاله بصت للارض ووشها احمر ردت عليه باه وجريت على مكتبها

شريف حس ان الفرحه مش سيعاه لانها طلعت هى كمان بتحبه وفى خلال شهر كانوا متجوزين والاتنين عاشوا مع بعض اجمل ايام حياتهم ....

فاق شريف من ذكراته على صوت خبط على الباب مسح دمعه نزلت من عنيه من غير مايحس وحاول يرد بصوت طبيعى : ادخل

دخل ادم وراح باس ايد ابوه : عامل ايه ياحبيبى النهارده

شريف ابتسم : الحمد لله بخير

ادم بصله قوى: مالك يابابا انت كويس

شريف : اه يابنى كويس الحمد لله المهم خليك مع اخوك فى الحكايه الى حصلت النهارده

ادم : هو اسر حكى لحضرتك

شريف : اه والى عايز يعمله ده غلط مينفعش نطلع قدام المنافسين مشغلين حمير ونديهم فرصه يخسرونا الثقه الى بقلنا سنين بنبنى فيها

ادم : طيب هنعمل ايه يابابا الشركه الى ايهاب بعتلها الموافقه مش عارفين اصلها ايه ولا مين الى وراها

شريف: طيب هما عرضهم كان ايه

ادم : كانوا باعتين عينات ادويه ناقصه فى السوق عموما

شريف: بعتوا العينات دى للمعمل

ادم : اه بعتنها وطلعت كويسه بس اسر مش مرتاح للشركه خالص

شريف بتفكير : كملوا مع الشركه دى وركزوا مع كل الادويه الى هيبعتوها كويس لحد لما نشوف طريقه ننهى التعاون معاهم

ادم : حاضر يابابا عن اذنك اورح ابلغ اسر

شريف نده عليه وقفه : استنى ياادم عملتوا ايه مع ايهاب

ادم: اسر خلاه قدم استقاله ونزلنا اعلان نطلب سكرتير تانى

شريف: تانى راجل مافيش فايده

ادم : انا حاولت معاه والله بس قافل خالص

شريف بوجع على ابنه الى بسببه اتعقد ؛ خلاص روح انت يابنى

ادم : تصبح على خير ياحبيبى

شريف: وانت من اهله

طلع ادم لاسر لقاه قاعد بيشرب سجاير ووشه مطلع نار قرب قعد جنبه : مالك ياأسر انت كمان

أسر بصله : انا كمان !!انت كنت عند بابا

أدم: اه وشكله مش عاجبنى هو حصل بيكم حاجه

أسر اتعصب على نفسه : انا غبى وهفضل طول عمرى غبى

أدم: ممكن تهدى وتقولى ايه الى حصل

أسر : فى انى بدال ما اخفف عنه الوجع وجعته بزياده بدال مااطبطب على جرحه دوست عليه بكل غباء

أدم فهم واتكلم بحزن : انت فتحت الموضوع ده تانى

أسر : مفتحتوش بس بغبائى حسسته قد ايه هو كان مضحوك عليه

أدم: انسى بقى ياأسر كفايه كل السنين الى عدت علينا فى وجع

أسر : انسى !! ليه هو انت نسيت

أدم بص للارض: لا مانستش بس على الاقل نحاول علشان خاطر بابا انت شايف حالته الصحيه من يوم الحادثه بلاش تتكلم فى اى حاجه من الماضى خلينا فى الى احنا فيه

أسر ان*د بتعب: حاضر هحاول المهم نزلت الاعلان خلاص

أدم : اه من بدرى وعلى فكره بابا شايف ان احنا نكمل مع الشركه لحد مانشوف حل

أسر بعصبيه: ازاى يعنى الشركه دى فيها حاجه مريبه

أدم : قعد بس واهدى وتعالى نتكلم بالراحه

أسر : ادينى قعدت

وفضلوا وقت كبير يتنقشوا فى الشغل وبعدها كل واحد قام نام

*****************

طلع النهار على ملاك الى معرفتش تنام من كتر التفكير فى الى هتعمله اخدت قررها وقامت جابت رقم علاء واتصلت بيه

:الو علاء اخبارك ايه

علاء: مين معايا

ملاك : ايه يابنى انا ملاك انت نستنى

علاء : ملاك على بابا عامله ايه

ملاك اتغاظت من على بابا الى كان دايما يغلس عليها بيها : ولا اتلم

علاءضحك قوى : خلاص ماتقفشيش المهم عامله ايه

ملاك: الحمد لله وانت اخبارك ايه سافرت ولا لسه

علاء : خلاص كلها اسبوعين واخد سحر واطير انا بس قوليلى المكالمه دى وراها حاجه من امتى بتتصلى بيا يعنى

ملاك : ليه ياخويا مانت كنت هارينى مكلمات علشان تكلم ست سحر

علاء ضحك: اه انا الى كنت بتصل مش انتى هاتى بقى من الاخر وقولى عايزه ايه ومحروجه تقولى

ملاك باحراج: هو انت على طول ناصح كده

علاء : اكيد قولى بقى فى ايه

ملاك : انا هقولك وشوف هتعرف تساعدنى ولا لا

حكتله ملاك على تعب ابوها وانها محتاجه تعمله عمليه وقالتله على كل الى هى عايزه تعمله

علاء فضل ساكت يسمعها لحد ماخلصت : بس انتى كده ممكن تتسجنى لو حد اكتشف انك مزوره ورقك ده

ملاك: ياعلاء انا مش هغير غير كمله انثى واخليها ذكر

علاء : انتى مستقليه بالكلمه دى ده فى واحد اتحبس علشان غلط فى حرف من اسمه بدال محسن كتبها حسن تقوليلى دى كلمه

ملاك : ياعلاء اسمعنى انا مافيش قدامى غير الحل ده وصدقنى بمجرد مااجمع فلوس العمليه هقدم استقالتى

علاء : طيب هو مافيش اى حد من عيلتك ممكن يساعدك

ملاك بحزن : ياريت انا ماليش غير بابا وهو مالوش غيرى عمرى ماشوفت حد من عيلتى خالص لان كلهم فى الصعيد ومنعرفش عنهم حاجه

علاء بتفكير : خلاص ياملاك انا هساعدك بس بشرط

ملاك : ايه هو

علاء : توعدينى بمجرد ماتجمعى الفلوس تسيبى الشغل ده فورا وماتحوليش تحتكى بحد خالص علشان محدش يكتشف الحقيقه

ملاك : حاضر ياعلاء اوعدك المهم الورق ده يخلص فى قد ايه

علاء : انا محتاج الورق الاصلى و تانى يوم يكون عندك

ملاك بفرحه: بجد ياعنى لو جبته النهارده هخده بكره

علاء : اه انشاء الله هى المقا**ه المفروض امتى

ملاك : بعد يومين يعنى انشاء الله الحق بس قولى هو الورق ده هيكلف كام

علاء : ماتشيلش هم الحكايه دى انا هضبط الدنيا

ملاك باحراج: لا ياعلاء ارجوك انا كفايه عليا قوى انك هتساعدنى اخلص الورق ده لكن الفلوس انا الى هدفعها

علاء : يابنتى متكبريش الموضوع وبعدين الولا الى هيعملى الحكايه دى انا عايز منه فلوس وعارف انى عمرى ماهطولها علشان كده بخلصها منه بتزوير الورق مصلحه يعنى

ضحكت ملاك : خلاص يبقى الفلوس تخدها انت مكانه شوف الورق ده يكلف كام وخدهم. انت داخل على جواز ومحتاج فلوس

علاء : صدقينى لو محتاج حاجه مش هت**ف منك المهم هشوفك فين تدينى الورق

ملاك بتفكير : انا هنزل كمان ساعه راحه لبابا علشان معاد الزياره تحب اقبلك فين

علاء: خلاص هجيلك عند المستشفى اخدهم منك

ملاك : والله ياعلاء مش عارفه اودى جميلك ده فين ربنا يوفقك ويسعدك انت وسحر يارب

علاء : متقوليش كده لا جميل ولا حاجه احنا اخوات يالا سلام دلوقت واشوفك كمان ساعه

ملاك : سلام

قفلت معاه ولفت لقت اسيل واقفه وراها وبتبصلها قوى

ملاك: مالك بتبصليلى كده ليه على الصبح

اسيل: خلاص قررتى ونفذتى كمان

ملاك بزهق: تانى يااسيل !!!خلاص بقى موضوع وخلص وانشاء الله خير

اسيل : طيب علاء قالك ايه

ملاك : تعالى على المطبخ وهحكيلك واحنا بنفطر