Chapter 09
ELISHA GABRIELLE
PAGKARATING namin sa bahay ng Tita Emma ko sa barangay Tawala, nauna si Zhuanne na bumaba ng sasakyan, at ako naman ay kasunod niyang lumabas. Huminga ako nang malalim at iniayos ang sarili bago siya lapitan, gusto ko lang siyang pasalamatan. "Thank you for dropping me off, Sir," sabi ko, pilit kong ngumiti kahit pa sa totoo lang ay medyo awkward pa rin ako sa kanya.
Tumango lang siya. At saglit akong naghintay na sumakay siya ulit sa sasakyan, umaasang aalis na siya para makapasok na rin ako sa bahay. Pero sa halip, nakita ko siyang kinuha ang mga pinamili niya.
Agad na kumunot ang noo ko sa pagtataka. Napalunok ako habang tumingin sa mga hawak niya. "Ano... para saan 'yan?" tanong ko, hindi ko mapigilang mapatingin nang diretso sa mga pagkain na para bang
