Halos lumubog sa kinatatayuan si Chelsie sa tindi ng hiya habang marahas namang napalingon si Lola Amila kay Ethan. Hindi nila akalaing pati ang detalyeng iyon ay alam na ni Don Ricardo.
"K-Kuya... hindi ganoon 'yun..." pilit na pagtatanggol ni Lola Amila, habang nanginginig ang boses. "Natatakot lang ang bata sa kulog at kidlat kaya nakiusap na doon muna! Nag-aalala lang ako sa kaligtasan ng apo ko!"
"Natatakot sa kidlat o may ibang motibo?" mariing singit ni Lolo Ricardo, ang boses ay puno ng panghahamak. "Huwag mo akong ituring na parang tanga, Amila. Matagal ko nang alam ang plano mo na ipakasal si Chelsie kay Ethan para lang makakuha kayo ng parte sa yaman ng mga Silverio! Nalaman niyo kasing malaki ang mamanahin ni Ethan sa akin!"
Napaatras si Chelsie, habang si Lola Amila naman a
