HIMAYA’S POV
“Bruha ka! May hindi ka talaga sinasabi sa akin e. May something sa inyo ni Senyorito Jude,” ani ni Ella habang naglalakad kami patungo sa kusina dala-dala ang mga pinagkainan namin.
Napatigil ako sa paglalakad at napatingin sa kanya.
“Kung makatingin siya sa’yo, parang kakainin ka niya. Diyos Mio! Kung ako sa’yo, susunggaban ko agad ‘yon. Ano kaya ang pakiramdam na mahalikan ng isang Jude Dela Gracia?” parang nangangarap niyang tanong.
Agad na nag-init ang mukha ko at ramdam ko na namumula na ito kaya nag-iwas ako ng tingin. Alam kong kapag nakita ito ni Ella ay hindi siya titigil sa katatanong. Hindi pa ako handang magkwento tungkol sa amin, lalo na at wala naman talagang kami.
“Ewan ko! Ano ba naman ‘yang pinagsasabi mo, Ella! Pinag-papantasyahan mo na naman ‘yong tao
