Halos mapuno na ang cellphone niya sa pagkuha ng litrato sa anak. Nasa amusement park na sila at hindi mapakali sa tuwa si Tasya. Kahapon din ng maligo ito sa dagat at maglaro sa buhangin ay labis ang tuwa nito. Kitang-kita niya kung gaano kakinang ang mga mata nito.
"Mommy doon po!" turo ni Tasya sa merry go round. Hinatak nito si Riker kaya agad niyang pinigilan ang anak.
"T-tayo na lang, nakakahiya na kay tito Riker mo. Hindi naman siya bagay diyaan!" Paliwanag niya sa anak dahil puro babae lang ang naroroon. Baka rin kasi ay napipilitan lang ang binata dahil masiyado ng pangababae ang mga pinupuntahan nilang rides.
"It's fine. I want to go with her," ani ni Riker at ngumiti pa sa kaniya. Hinawakan nito ang kamay niya at hinatak na rin siya. Nagtinginan ang dalawa at malawak na ngumi
