Nang magising siya ay deretsong lumabas siya ng kwarto para maghanda ng umagahan dahil sabi niya kay yaya Verlin ay siya naman ang magluluto. Papasok na ulit sa eskwelahan si Tasya kaya gusto niya itong gawan ng baon pati na rin si Jiji na kaklase nito.
Hindi na siya nagulat nang makitang naroroon sa sala si Riker. Simula noong nakauwi sila ng bahay ay walang araw na hindi dumadaan dito ang binata. Nasanay na siya sa presensya nito at halos dito na ito tumira sa kanila.
"Dala mo 'to?" tukoy niya sa mga grocery na puno ng healthy snacks at paboritong gatas ni Tasya.
"Yes, nakadaan ako kahapon sa supermarket kaya sinabay ko na rin." Napakamot siya ng ulo, lagi na lang itong gumagastos para kay Tasya at sa kaniya.
"Magkano 'yan? Babayaran ko 'yan—"
"No—"
"Paghindi mo sa akin 'yan pinab
