Nagising ako nang marinig ang pagbukas ng pinto. Nanlalabo man ang mata ko, pilit ko iyong binuksan para makita kung sino ang pumasok.
Nakita ko ang leather shoes niya na nakaharap sa akin. Dama ko ang pangangalay ng aking mga kamay gawa ng tali sakin ni Calvin.
"Wake up, Honey. It's time to go," saad ng lalaki. Tila nagising ako ng tuluyan nang marinig ang boses niya. Sobrang tagal ko nang hindi iyon naririnig.
Pinikit-pikit ko ang mata ko para luminaw ang paningin ko. At ngayon, malinaw na nakikita ng mata ko ang isang lalaki na nakangiti sa harap ko.
"Dad?" bulalas ko. Nakangiti siyang lumapit at umupo sa kama kaya mabilis akong bumangon.
Hinawakan iyak ang buhok ko at mukha ko. "I miss you, My baby. How are you?" Tanong niya na tila walang nangyari.
"Anong ginagawa niyo dito?"
