Chapter 31
Kael's POV
"Wala iyon, Mom. Gumagawa lang ng kuwento si Solenn." Huminga ako nang malalim bago ulit naglakas ng loob na magsalita. "Nakikipaghiwalay na ako sa kaniya. Ayaw niya kaya iyon," amin ko sa kanilang lahat. "Nakipaghiwalay ako sa kaniya nang maayos. Ilang beses siyang bumalik sa opisina ko, nanggulo at nagsisisigaw." Gumuhit ang mapait na ngiti sa aking mga labi.
Ilang araw ko na ring dala-dala ang kaawa-awa niyang itsura na naiwan sa isip ko. Kung mahal ko lang talaga siya, hindi kami aabot sa ganito. Ngunit hindi ako nahihibang para mag-settle down kasama ang babaeng hindi ko naman mahal.
Kahit babaero ako ay alam ko kung gaano kasagrado ang kasal. Hindi iyon basta-basta pagsasabi ng "I do" sa harapan ng pari o kung sino mang nagkakasal. Ang kasal para sa akin ay
