"Kumusta ang araw mo?" tanong ni Callynn kay Macarius. Nagtataka siya dahil ginabi ito ng uwi. Hihintayin niya nga sana ito bago siya magsara ng tindahan kaya lang ay umaambon na. "Ba't ginabi ka ng uwi?"
"Ano'ng oras na ba?" balik nitong tanong.
"Eleven thirty na."
"Gabing-gabi na ba 'yon?"
"Oo, kaunti na lang umaga na, eh."
Napakamot ito sa ulo. "Malapit na pa lang mag-umaga. Teka, kumain ka na ba?"
"Hindi pa dahil hinihintay kitang dumating."
"Ha? Bakit? Sana nauna ka na. Ikaw talaga. Bakit hinintay mo pa ako? Ba't hindi ka pa kumain? Magkakasakit ka sa ginagawa mo, eh."
"Bakit? Kumain ka na ba?"
"Tapos na."
"Bakit hindi ka tumawag sa akin na kumain ka na pala?" inis niyang tanong. Kung alam niya lang na kumain na ito ay hindi sana niya hinayaan ang sarili niya na magutom sa
