Makalipas ang ilang araw ay magtutungong muli si Teman sa lunang buhay. Ang araw na ito ay araw ng muling pag eensayo ni Teman kasama si Amar. Bago umalis ng bahay ay kumain muna ng almusal si Teman kasama ang pamilya. Naaalala niya ang laging bilin sa kaniya ni Amar na bago siya mag umpisang mag ensayo ay kumain siya ng mga prutas at gulay, at iyon na nga ang ginawa ni Teman. Saging, ubas at mansanas ang kaniyang inalmusal. Ang kaniyang kutis ay mas lalong napansin dahil sa suot niyang damit na kulay itim. Habang siya ay nag aayos sa harapan ng salamin ay mariin siyang pinagmamasdan ng kaniyang lolong nakaratay sa folding bed. Bakas sa mukha nito ang kasiyahan habang pinagmamasdan ang apo.
“Kamusta na kayo lo?” tanong ni Teman sa matanda. Umungol lang ito dahil hindi na nito kayang makap
