Madilim at walang makita kahit kaunting liwanag. Bawat butil ng pawis ay nararamdamang umaagos sa mukha at katawan na parang gumagapang. Tanging hangin na labas pasok sa bibig lamang ang maririnig. Pakiramdam niya’y nakalutang siya sa hangin ngunit parang may kadenang naka gapos sa kaniya na hindi niya nakikita. Iyan ang nararamdaman ngayon ni Silvio Montenegro. Wala siyang maalala kahit isa, kung pa’no siya napadpad sa lugar na iyon. Pinipilit niyang mag pumiglas ngunit hindi niya magawa dahil sa higpit ng nararamdaman niyang pagkaka gapos. Sinubukan niyang sumigaw ngunit walang tinig na maririnig na lumalabas sa kaniyang lalamunan. Hindi niya alam ang nangyayari, hindi niya alam kung sino siya at hindi niya alam kung ano ang dapat niyang maramdaman. Hanggang sa makarinig siya ng isang ti
