Umalis ng mansyon sila Teman at Amar ng walang napala dahil hindi sila sinipot ni Aaron. Ayon kay Sandy ay bigla na lamang itong nawala nang malamang mayroong kasama si Teman. Dito pa lamang ay agad na nagduda si Amar dahil wala naman itong dahilan para hindi sumipot sa sariling pamamahay kung ito ay nasa katinuan o nasa pagkatao. Mas lalong lumakas ang kutob ng dalawa na nasa ilalim ng itim na kapangyarihan si Aaron. Pinakilala na rin ni Teman si Amar kay Sandy, ngunit hindi nila sinasabi ang tunay na pagkatao nito. Muli na namang nabalot ng lungkot ang puso ni Sandy dahil sa umalis na naman ang kaniyang kuya. Umiyak ito ng umiyak sa harapan nila Teman at Amar na parang isang bata. Hindi na kasi nito napigilan ang nararamdaman nang yakapin siya ni Teman ng mahigpit.
Nakabalik ang dalawa
