HABANG inaayusan siya ng hairstylist at makeup artist ay panay ang chikahan nila. Natatawa siya dahil puro embarassing moments sa kani-kanilang buhay ang mga pinag-uusapan nila kaya naman sila lang ang maingay sa studio. Habang ang ilang staff naman ay nag-aayos na ng backdrops at hinahanda ang mga gagamitin na camera at iba pang kagamitan. May ilan ring lalaki at babaeng modelo ang inaayusan katulad niya na makakasama niya sa photoshoot mismo para sa gagamitin na posters para sa launching ng bagong branch sa isang mall at opening announcement sa social media at business magazines. Bale apat silang modelo ang naroon, dalawang babae at dalawang lalaki.
Katunayan ay medyo kabado pa rin siya dahil paano kung hindi siya makasabay sa ibang professional model? Isa pa, may isang photoshoot sessi
