NAKAYUKO siya habang naglalakad pabalik sa banquet hall. Naging palaisipan sa kanya ang mga huling salita na binitiwan ni Terence at nanlambot ang puso niya. Hindi niya lubos maisip na nangyayari kay Terence ang ganoong problema. Na may mga taong gustong sumira rito dahil lang sa pagiging makapangyarihan nito at lubos na kayamanan. Kung sa mga taong hindi pinalad sa buhay ay problema masyado kung saan kukuha ng pera mabuhay lang araw-araw, pero sa mga mayayaman ay may mga taong hindi pa rin makuntento at gusto pang gawan ng masama ang ibang tao na mas lamang ang kayamanan kumpara sa kanila. Kahit sa mundo ng mga mayayaman ay hindi rin palang talaga nawawala ang inggit at pagkaganid. Handang gumawa ng mali maagaw lang ang pinag paguran ng iba.
Bigla tuloy siyang nag-alala kay Terence. Nag
