Nakaupo si Kenneth sa sofa habang may hawak na malamig na can beer na kanina pa niya tinititigan. Wala pa yung bawas basta hawak lang niya habang paulit-uilit umiikot sa utak nya ang mga sinabi ni Mikay. Ang mga salitang gumiba sa galit na pinanghahawakan niya laban kay Miggy sa loob ng maraming taon. Sa sahig, nakaupo si Amira, nakatingala sa kanya. Kanina pa siya pinagmamasdan na parang nag-iintay na mag salita siya. Mula pa ng dumating sila nawalan na siya ng kibo, parang gusto niyang magalit kay Mikay. Sana wala na lang itong sinabi, mas okay na siya na puno ng galit kay Miggy kesa nalaman pa nya ang totoo. Tulala at walang emosyon na mukha niya, ilang beses na siyang gustong magsalita, pero alam niyang kailangan muna niyang i-prosesa ang lahat ng laman ng isip niya at ayusin
