“I'm already married.”
Hanggang ngayon, sariwa pa rin sa aking alaala ang sandaling iyon ang araw na unang inalok ako ng misteryosong lalaking nagligtas sa akin ng kasal.
Nakakatawa lamang isipin.
Dalawang taon na ang lumipas mula nang iligtas niya ako. Dalawang taon na rin niyang kinupkop ako at si Nerea sa ilalim ng kanyang proteksyon. Ngunit sa kabila ng mahabang panahon na iyon, wala pa rin akong tunay na pagkakakilanlan tungkol sa kanya.
Hindi ko alam ang buong pangalan niya, kung ano ang tunay niyang trabaho o kung bakit napakalawak ng kapangyarihang mayroon siya sa bansang ito.
Sa kanyang mga tauhan, iisa lamang ang tawag nila sa kanya.
“Boss.”
At iyon lang din ang alam ko.
Boss.Isang salitang sapat nang magpahiwatig kung gaano siya kinatatakutan at iginagalang ng mga taong
