Elena's POV
Hindi pa man kami tuluyang nakalayo ni Fergus ay biglang umingay ang paligid. Kasabay niyon ay hiyawan at sigawan ng mga tao. Napatingin ako kay Fergus na tahimik na tumatakbo habang buhat na buhat ako.
"Iyong bihag!" Rinig kong sigaw ng isa sa mga bata ni Kalbo. Pagkatapos niyon ay nakarinig ako ng isang putok ng baril.
Napasinghap ako. Sa takot ko na baka matamaan ako ng bala ay napahawak ako ng husto sa leeg ni Fergus.
"Habulin ni'yo!" Narinig kong sigaw ng mga bata ni Kalbo. "Tawagin mo iyong iba. Lîntek na 'yan!"
Sumandal si Fergus sa isang eskinita. Sinilip niya ang hallway pero bigla itong napailag nang paulanin ng bala ang pinagtataguan namin.
Hindi na ako nakapagpigil. Tinapik ko ang balikat ni Fergus at nagkumawag.
"Ibaba mo ko," bulong ko sa kanya.
Fergus sho
