Napatitig ako sa bagong lalaki na sumabat sa bidding. Hindi lang naman ako ang nakatitig sa kanya. Halos lahat ata ng mga tao ay sa kanya nakatingin.
Bigla itong lumingon sa dagat ng mga tao. Pagkatapos ay lumingon ito sa akin.
"Kaka-start pa lang ng bid sa espesyal na babae pero lalabas na ata iyang litid mo sa kakasigaw," kalmadong sabi ng lalaki habang nakatitig sa akin.
Hindi ko alam pero parang nakakita ako ng isang mala-model na datingan. Ang gandang pagmasdan ang mata ng lalaking ito. Halata na may banyaga sa dugo dahil sa kulay asul nito na mga mata.
Mala-krema ang kulay ng balat nito. Matangos din ang ilong. Katulad ni Fergus, nakasuot din ito ng isang tuxedo. Ang kaibahan lang sa kanila ay kulay ng kasuotan. Puti ang kay Fergus, samantalang itim naman ang sa lalaki.
Hindi ko
