"And our special auction for today..."
Tumahip ng husto ang puso ko nang marinig ang sinabi ng host. Napatitig ako kay Natalia. Hindi pa man siya nagsasalita ay ramdam ko na ang kanyang pag-alala. Nababasa ko iyon sa kanyang mga mata.
Umiling ako. "H-hindi..." Muli akong umiling. "Hindi a-ako iyon, hindi ba?"
Mas lalong dumagundong ang puso ko nang makitang bumuntonghininga lang si Natalia.
"Dali na," malamig na wika ni Natalia. "Kailangan na natin bumaba."
"H-huwag." Hinawakan ko ang braso ni Natalia. Umiling ulit ako. "Itakas mo na lang ako, pakiusap." Napatingin ako sa ibaba. Naiburo ko ang aking paningin sa harap ng stage.
"Wala na tayong magagawa pa," sabat ng lalaki na kasama ni Natalia. "Pasensiya na pero kailangan din namin sumunod. Kami rin ang malilintikan kung hindi kami s
