"OKAY, basta tomorrow kailangan ko na ‘yong mga items na ‘yon for my store. Kahit bandang lunch niyo na lang maideliver. Sige, thank you."
Ibinaba ni Erin ang cellphone sa ibabaw ng mesa niya, saka muling ibinalik ang atensyon sa mga papel at listahan na nasa harap. Inventory. Kailangan matapos iyon ngayong gabi. Pagkapasok pa lang niya mula sa salon, iyon na agad ang tinutukan niya. Walang oras para magpahinga, wala ring oras para mag-inarte kahit na parang gumuho na ang buong katawan niya sa sobrang pagod.
Ang totoo, pagod na pagod talaga siya. Maraming customer kanina sa salon, halos sunod-sunod ang bookings. Bukod pa doon, may kliyente silang ikakasal kaninang madaling-araw. Alas tres pa lang ng umaga, nasa salon na siya kasama ang mga bading niyang staff. Sila ang nag-ayos sa bride
