MARAMING papel ang inilapag sa harapan ni Shone Ramirez na minimake-up-an ng isang make-up artist dahil sa late nilang guesting ni Shyne Sandoval sa isang late na game show. Sumenyas si Shone sa make-up artist na tumigil muna ito sa ginagawa at pinaalis muna.
Tiningala niya ang naglapag doong tao at napangiti siya nang makitang si Miss Janine pala ito. Ang kanyang manager. Ngunit hinalukipkipan siya nito. Galit?
Kinuha niya ang mga papel na iyon at napatanga siya sa nabasa niya dahil script pala iyon sa isang palabas na kinahuhumalingan lahat ngayon ng mga tao na pinapanood.
"You read it right. Makakasama ka na sa cast ng I LOVE YOU, BADUY kaya magready-ready ka na dahil full time ang gugugulin mo riyan na oras. Hindi basta-basta ang gagampanan mo riyan role."
Nailapag din agad ni Shon
