"SiNO bang Karen 'yon?" nagtatakang tanong ni Diane kay Leandro.
Napamaywang si Leandro habang ginagala ang tingin sa paligid. Subalit wala na, hindi na talaga nito makita si Karen.
"Girlfriend mo?" tanong pa ni Diane.
Napabuntong-hininga ang binata. Hindi pa rin sumagot. Tapos ay tumakbo na ulit ito para hanapin ang dalaga.
"Hay ewan!" sambit na lang ni Diane. Hindi na ito sumunod. Malamang girlfriend nga ni Leandro ang Karen na iyon. Kaya hayaan na lang nitong maghabulan ang dalawa. Nagpasya itong balikan na lang si Yolly.
*******
"TEKA! Teka, Shone!" Tinulak ni Yolly ang binatang bigla na lamang siyang niyakap nang nakakuha siya ng pagkakataon.
Kumawala naman ang binata na napakalungkot ang hitsura.
"Anong problema? Pag-usapan natin?" Magkagayunman ay naawang aniya rito.
Ngunit
