"YOLLY, anong gagawin mo?" hintakot na tinig ni Yaya Chadeng mula sa pinto.
Gulat na nabitawan bigla ni Yolly ang gunting. Para siyang nagising sa isang mababaw na pagkakaidlip.
Mabilis na nakalapit sa kanyang kinauupuan si Yaya Chadeng at dinampot ang gunting saka inilagay sa drawer.
"Y-yaya--" nahihintakutang tinig at nagtatakang ani Yolly. Nangingilid ang nga luha niyang nakatingin kay Yaya Chadeng niya.
"Yolly, anong gagawin mo sana? Diyos ko naman, Anak! Konting tampuhan lang 'yon! Buti pala at nagising ako at pinuntahan kita rito!" Niyakap siya nang maluwang ni Yaya Chadeng. Tapos hinagud-hagod nito ang likod at buhok niya.
Napakurap siya. Ano nga ba 'yung ginagawa niya?
Ah, oo, naalala na niya. Gugupitin lang sana pala niya ang buhok niya. Ibabalik sana niya sa dati ang buhok
