"SHOWER lang ako," paalam ni Andy sabay halik sa buhok ng asawa. Isa-shower nito na lang ang pagtataka kung bakit parang si Yolly pa ang galit na ngayon.
'Di alam ni Andy ay nagmulat ng kanyang mga mata si Yolly nang makapasok ito sa banyo. At panay ang sign of the cross ni Yolly. Kasi naman grabe talaga ang kaba sa dibdib niya.
Kaya niya ba 'to?
Kaya niya bang dedmahin ang asawa?
Kaya niya bang maggalitgalitan?
Tulungan sana siya ng mga santo!
May kumatok. Napatingin si Yolly sa pinto. Nagbukas iyon at si Yaya Chadeng ang sumilip.
"Nasa shower po," buka ng bibig niya at turo sa banyo.
Tumingin si Yaya Chadeng sa banyo tapos sa kanya. "'Yung sinabi ko?"
"Opo, pero nenerybyos po ako. Parang 'di ko kaya," sagot niya na halos walang marinig na boses niya. Ngumiwi rin siya at sumenyas
