EIDE
“Sinong Ven?” tanong ni Betsy nang wala na sa harap namin si Travis.
Mabigat akong napabuntong-hininga ng muli kong tinuon ang atensyon kay Betsy. “His special someone,” matamlay na sagot ko. Pakiramdam ko, may nabuhay na hindi pamilyar na emosyon sa buong pagkatao ko.
Kumunot ang noo niya. “Ano’ng special, e, ikaw ang girlfriend niya, kaya ikaw dapat ang special para sa kanya.”
“Ilang beses ko nang sinabi sa ‘yo, hindi ko boyfriend ang lalaking iyon. The only reason he is here is because of business,”
“Oh… meron palang set-up na ganoon ang boss at empleyado? Ang swerte mo namang empleyado, pinupuntahan ka pa ng boss mo. At saka, parang hindi naman business ang nakita ko kanina. Baka ang ibig mong sabihin ay monkey business,” may halong panunukso na sabi niya.
Nagsalubong
