XIX.
Kinontak ni Aryana ang kaibigang nasa shipping lines at may-ari rin ng isang private jet plane.
"O Yana, kumusta? Asan ka ngayon?"
"Okay lang ako, ikaw?"
"Wala naman masyado, busy sa pagpapatakbo ng mga negosyo ng pamilya, alam mo na."
"Yeah."
"Punta ka dito sa condo para naman makapagtsikahan tayo, tagal nang wala tayong kumunikasyon mula noong huli tayong nagkita, that was four years ago ah."
"Andito na ako sa labas ng pintuan mo."
"Anak ng......"
Natatawang pinatay na ni Aryana ang cellphone habang inaantay na pagbuksan siya ng kaibigan. Kakamot-kamot na binuksan naman ni Flakes ang pinto, awang ang mga labi na hindi makapaniwalang naroon na nga sa harap ang kaibigan.
"Tsss! Iyang bunganga mo kamote, baka pasukan ng bangaw!" sabi ng dalaga rito at marahang itinulak ito pa
