CARYS’ POV
NANG pumarada ang truck ni Ninong sa tapat ng mansiyon, mabilis kong inayos ang aking gulo-gulong sun dress at buhok habang pinipilit kong pakalmahin ang aking sarili. Bago pa man niya ako mapagbuksan, ako na ang unang bumaba nang marahas at dire-diretsong naglakad papasok sa aking kwarto.
Gaya ng inaasahan ko, hindi roon natatapos ang laro namin.
Dahil matigas ang ulo ko, sadyang itinuloy ko pa rin ang pakikipag-ugnayan kay Tristan sa mga sumunod na araw. Kung akala ni Ninong ay sapat na ang ginawa niya sa loob ng truck para pasukuin ako, nagkakamali siya. Gusto kong makita kung hanggang saan ang pagpipigil ng magaling kong protective ninong s***h tour guide.
Kaya naman nang sumunod na umaga, muling dumating si Tristan para sunduin ako. Sa pagkakataong ito, isang hapit na
