XANTINA
Tinitigan ko si Tita Yonna.
“Kaibigan kayo ni Mama, hindi ba?”
“Oo naman, bakit?” nagtatakang tanong niya.
“Magagawa n’yo ba siyang saktan?”
Gusto kong marinig sa kaniya mismo ang sagot. Kung sino man ang Sabrina na tinutukoy nila, mukhang wala siyang balak na banggitin pa ang tungkol sa kaniya pero ang tungkol sa kanila ni Papa. Wala akong balak na balewalain iyon.
“Syempre, hindi. Mahalaga siya sa akin, alam iyan ng mama mo.”
Seryoso akong tumingin sa kaniya. Ang alam ni Mama, hindi siya kayang saktan ni Tita Yonna pero iyon nga rin ba talaga ang ginagawa niya? Hindi ko alam kung panghahawakan ko ba ang sinasabi niya. Mula nang makita ko silang dalawa ni Papa ng gabing iyon, nawala na ang tiwala ko sa kaniya.
Kung sakali man na mali akong wala silang relasyon ni Papa. Sig
