XANTINA
Pumasok ako sa loob ng opisina ni Papa. Maraming nakatambak na mga papel sa ibabaw ng table niya. Tungkol iyon sa iba’t ibang kasong hinahawakan niya. May two seater black leather couch na magkaharap sa gitna ng opisina niya. Maraming libro tungkol sa batas na nakalagay sa wall cabinet. May mga award din doon.
Pumunta ako sa may table niya. Wala na ang family picture na nakikita ko madalas noong bata pa ako na nakalagay doon. Pero napahinto ako nang makita ko ang larawan ko. Tanging larawan ko na lang ang naka-lagay sa picture frame. High school pa lang ako base sa larawan dahil naka-uniform pa ako noon at malaki ang ngiti ko sa camera. May napansin akong isang frame na nakataob sa tabi noon. Kinuha ko iyon at binuklat. Iyon ang family picture naming. Bakit hinayaan niyang nakata
